Zəngilan şəhərində 3-cü yaşayış kompleksinin təməlinin qoyulması

Azərbaycan Respublikasının Prezidenti İlham Əliyev sentyabrın 28-də Zəngilan şəhərində 3-cü yaşayış kompleksinin təməlqoyma mərasimində iştirak etmişdir. Mərasim zamanı dövlətimizin başçısı yaşayış kompleksinin təməlini qoymuşdur.

3-cü yaşayış kompleksi iki sahəyə bölünmüş və hər biri üçün özünəməxsus konsepsiya hazırlanmışdır. Binaların memarlıq baxımından fərqliliyini təmin etmək məqsədilə onlar müxtəlif üslubda layihələndirilmişdir. Ümumi sahəsi iki hektar olan yaşayış kompleksində tikiləcək 3, 4 və 5 mərtəbəli çoxmənzilli binalar 8 blokdan və 192 mənzildən ibarət olacaqdır.