Zəngilan şəhər məscidində görülən işlərlə tanışlıq

Sentyabrın 28-də Azərbaycan Respublikasının Prezidenti İlham Əliyev Heydər Əliyev Fondu tərəfindən inşa edilən Zəngilan şəhər məscidində görülən işlərlə tanış olmuşdur.

Zəngilanda inşa olunan məscidin təməli Azərbaycan Respublikasının Prezidenti İlham Əliyev tərəfindən 2021-ci il aprelin 26-da qoyulmuşdur. Ötən müddətdə yeni məscidin layihəsi işlənilmiş və tikintiyə başlanılmışdır. Məscidin inşası “Paşa Holdinq” MMC-nin dəstəyi ilə Heydər Əliyev Fondu tərəfindən həyata keçirilmişdir. Hazırda məscidin interyerində işlər davam etdirilir, o cümlədən ərazidə abadlaşdırma işləri aparılır. Layihənin 2024-cü ilin aprelində başa çatdırılması nəzərdə tutulur.