Zəngilan kəndinin təməlinin qoyulması

Azərbaycan Respublikasının Prezidenti İlham Əliyev sentyabrın 28-də Zəngilan rayonunda Zəngilan kəndinin təməlqoyma mərasimində iştirak etmişdir. Mərasim zamanı dövlətimizin başçısı Zəngilan kəndinin təməlini qoymuşdur.

Zəngilan kənd inzibati ərazisinə daxil olan bu kənd şəhər mərkəzindən 3,1 kilometr məsafədə, Oxçuçayın sahilində, Zəngilan–Mincivan yolunun üzərində düzənlik ərazidə yerləşir. Baş plana əsasən Zəngilan kəndi İçəri Müşlan və Məlikli kəndləri ilə birlikdə layihələndirilmişdir. Kəndin layihələndirilən ümumi ərazisi 111,3 hektardır. Zəngilan kəndində 1631 sakin üçün 306 fərdi evin və 102 mənzildən ibarət 2–3 mərtəbəli bloklaşdırılmış evlərin tikilməsi nəzərdə tutulur. Birinci mərhələdə Zəngilan kəndinə 489 sakinin köçürülməsi üçün 127 fərdi ev tikiləcəkdir.