Xocavənd şəhərində görülmüş işlərlə tanışlıq

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva fevralın 25-də Xocavənd şəhərində görülmüş işlərlə tanış olmuşdurlar.

Xocavənd şəhəri 2023-cü ilin sentyabrında həyata keçirilmiş antiterror əməliyyatı zamanı işğaldan azad edilmişdir. Burada 980 fərdi ev mövcuddur ki, onlardan da 133-ü yararsız, 847-si isə qismən yararlıdır. Qismən yararlı evlərdən 55-i artıq istismara hazırdır. Bu il ərzində daha 792 evin təmir edilməsi nəzərdə tutulmuşdur. Fevral ayında Xocavənd şəhərinə 50 ailə – 194 nəfər qayıtmışdır.

Görülmüş işlərlə tanışlıqdan sonra Prezident İlham Əliyev, birinci xanım Mehriban Əliyeva və qızları Arzu Əliyeva Xocavənd şəhərinə köçmüş İlqar Həsənovun evində olmuş, ev sakinləri ilə söhbət etmiş və xatirə şəkilləri çəkdirmişdirlər.