Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanışlıq

Azərbaycan Respublikasının Prezidenti İlham Əliyev mayın 28-də Xocalı rayonunda Müdafiə Nazirliyinin hərbi qulluqçuları üçün nəzərdə tutulan fərdi evlərdə əsaslı təmirdən sonra yaradılmış şəraitlə tanış olmuşdur.

Burada ümumilikdə 191 fərdi ev vardır. Evlərin 173-ü birmərtəbəli olmaqla, onlardan 1-i ikiotaqlı, 70-i üçotaqlı, 93-ü dördotaqlı, 8-i beşotaqlı, 1-i isə səkkizotaqlıdır. Digər 18 ev isə ikimərtəbəli və yeddiotaqlıdır. Evlərdə sakinlərin rahat yaşaması üçün zəruri şərait yaradılmış, onlar elektrik enerjisi və qazla təchiz olunmuşdur. Həmçinin ərazidə infrastruktur işləri görülmüş, məhəllədaxili yollar yenidən qurulmuş, sakinlərin istirahəti üçün park salınmış və bayraq meydanı yaradılmışdır.