Üçtərəfli Zirvə görüşü

Azərbaycan Respublikasının Prezidenti İlham Əliyevin mayın 25-də Moskvada Rusiya Federasiyasının Prezidenti Vladimir Putin və Ermənistan Respublikasının baş naziri Nikol Paşinyan ilə üçtərəfli Zirvə görüşü olmuşdur.

Zirvə görüşündə çıxış edən Rusiya Prezidenti Vladimir Putin hər iki ölkə başçısına görüşün keçirilməsinə dair təklifə operativ reaksiya verdikləri üçün minnətdarlığını bildirmiş, məhz bu formatda bir çox məsələlərə dair uğur əldə etməyin mümkün olduğunu qeyd etmişdir. Görüş zamanı tərəflər arasında mövcud olan tənzimlənməmiş məsələlərə toxunan Vladimir Putin 2020-ci ilin payızında təkcə hərbi əməliyyatların dayanmadığını, iqtisadi və nəqliyyat kommunikasiyalarının blokadasının aradan qaldırıldığını və sərhədlərin delimitasiyası istiqamətində işlərə başlanıldığını qeyd etmişdir.