Talış–Tapqaraqoyunlu–Qaşaltı sanatoriyası avtomobil yolunun açılış mərasimi

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva martın 18-də Tərtər rayonuna səfər etmişdirlər. Səfər zamanı dövlətimizin başçısı Talış–Tapqaraqoyunlu–Qaşaltı sanatoriyası avtomobil yolunun açılışında iştirak etmişdir.

4 yaşayış məntəqəsini birləşdirən yeni avtomobil yolunun uzunluğu 22 kilometr, eni isə 19 kilometrlik hissədə 9 metr, 3 kilometrlik hissədə isə 6 metr təşkil edir. Bu yolun inşası layihəsi çərçivəsində İncəçay üzərində uzunluğu 84 metr olan avtomobil körpüsü tikilmişdir. Üçaşırımlı körpünün eni 14,5 metrdir. Körpü 9 bal seysmiklik nəzərə alınmaqla inşa edilmişdir. Layihə üzrə yolboyu avtobus dayanacaqları inşa edilmiş, hərəkətin normal təşkili üçün digər zəruri infrastruktur yaradılmışdır.