Şuşada İsa bulağına baxış

Azərbaycan Respublikasının Prezidenti İlham Əliyev və birinci xanım Mehriban Əliyeva noyabrın 7-də Şuşada İsa bulağında olmuşdurlar.

Şuşa şəhərindən 4 kilometr məsafədə, dəniz səviyyəsindən təqribən 1300 metr hündürlükdə, meşədə yerləşən İsa bulağı Azərbaycan təbiətinin nadir incilərindən hesab olunur. Bu hidronim haqqında yerli əhalinin məlumatına görə bulaq XVIII əsrdə ilk dəfə onu qalın meşəlikdə üzə çıxarmış İsa adlı əkinçinin adını daşıyır. Vətən müharibəsindən sonra İsa bulağı Şuşa Şəhər Dövlət Qoruğu İdarəsi tərəfindən tamamilə bərpa edilmişdir. Bulağın özü mərmərdən hazırlanmış, “İsa bulağı” sözü isə milli ornamentlə yazılmışdır. Bulağın su təminatı da tam bərpa olunmuşdur.