Şuşa rayonundakı “Saxsı” bulağına baxış

Azərbaycan Respublikasının Prezidenti İlham Əliyev dekabrın 22-də Şuşa rayonundakı “Saxsı” bulağında olmuşdur.

“Saxsı” bulağı Şuşa şəhərinin şimal-qərb hissəsində, təxminən 5 kilometr məsafədə, Şuşa–Laçın yolunun üzərində yerləşir. Bulağın suyu tərkibinə görə çox keyfiyyətli olduğu üçün daim şuşalıların və şəhərin qonaqlarının diqqət mərkəzində olmuşdur. Əvvəllər qayadan süzülən su sonradan metal boruya salınmış və daim axmaqdadır. Bəzi məlumatlara görə bulaq metal boruya salınmamışdan əvvəl qayadan çıxan su qədim saxsı borudan süzülüb gəldiyi üçün bulağa insanlar arasında “Saxsı” adı verilmiş və bu ad günümüzə qədər gəlib çatmışdır.