Suqovuşan su anbarının təmir-bərpadan sonra istifadəyə verilmə mərasimi

Azərbaycan Respublikasının Prezidenti İlham Əliyev oktyabrın 15-də Tərtər rayonunda Suqovuşan su anbarının təmir-bərpadan sonra istifadəyə verilməsi mərasimində iştirak etmişdir. Mərasim zamanı dövlətimizin başçısı Suqovuşan su anbarını işə salmışdır.

Suqovuşan su anbarı və magistral kanallar 1976-cı ildə istismara verilmişdir. Su anbarının ümumi su tutumu 5,86 milyon kubmetrdir. Bəndin üstdən uzunluğu 630 metr, hündürlüyü 28 metr, eni isə 10 metrdir.