Suqovuşan kəndində məscidin açılış mərasimi

Azərbaycan Respublikasının Prezidenti İlham Əliyev və birinci xanım Mehriban Əliyeva martın 18-də Ağdərə rayonunun Suqovuşan kəndində məscidin açılışında iştirak etmişdirlər.

Eyni vaxtda 100-ə yaxın insanın ibadət edə biləcəyi məscidin birinci mərtəbəsi kişilər, ikinci mərtəbəsi isə qadınlar üçün nəzərdə tutulmuşdur. Məscidin həyəti də yaşıllaşdırılmışdır. İbadət ocağının daxilində xüsusi bəzək elementlərindən istifadə olunmuşdur.