Qubadlı şəhərində 600 şagird yerlik tam orta məktəb binasının təməlqoyma mərasimi

Azərbaycan Respublikasının Prezidenti İlham Əliyev mayın 4-də Qubadlı şəhərində 600 şagird yerlik tam orta məktəb binasının təməlqoyma mərasimində iştirak etmişdir. Mərasim zamanı dövlətimizin başçısı məktəb binasının təməlini qoymuşdur.

Məktəb Qubadlı şəhəri, Dondarlı kəndi və ona bitişik açıq ərazidə inşa olunacaqdır. Təhsil ocağı və ona məxsus açıq ərazilər yaşayış sahələri ilə əhatə olunacaqdır. Məktəbin həyətyanı ərazisindəki idman qurğularından və oyun meydançalarından axşamlar və həftə sonları ictimaiyyət nümayəndələri də istifadə edə biləcəkdirlər. Məktəb binası modul tipli sinif otaqlarından istifadə olunmaqla layihələndirilmişdir. Təbii işıqla işıqlandırılmış daxili məkanlar məktəbin enerji tələbatını minimuma endirəcəkdir.