“Qamışlı” kiçik su-elektrik stansiyasının açılış mərasimi

Azərbaycan Respublikasının Prezidenti İlham Əliyev mayın 27-də Kəlbəcər rayonunda “Qamışlı” kiçik su-elektrik stansiyasının açılış mərasimində iştirak etmişdir. Mərasim zamanı dövlətimizin başçısı “Qamışlı” kiçik su-elektrik stansiyasını işə salmışdır.

 “AzərEnerji” tərəfindən tamamilə yenidən tikilən “Qamışlı” kiçik su-elektrik stansiyası 6,3 meqavat gücündədir. İki hidroaqreqatdan ibarət “Qamışlı” stansiyasında 110 kilovoltluq yarımstansiya yaradılmışdır. Burada enerjisistemə tam inteqrasiya olunmaqla məsafədən idarəetməyə imkan verən mərkəzləşmiş SCADA sistemi qurulmuşdur. “Qamışlı” kiçik su-elektrik stansiyasında ümumilikdə il ərzində 18,5 milyon kilovat-saat ekoloji cəhətdən təmiz yaşıl hidroenerjinin istehsal edilməsi nəzərdə tutulur.