Prezident İlham Əliyevin Xocalı rayonunun Pircamal kəndinə səfəri

Azərbaycan Respublikasının Prezidenti İlham Əliyev dekabrın 22-də Xocalı rayonunun Pircamal kəndində olmuş və kəndin ərazisinə baxış keçirmişdir.

Pircamal kəndi dağətəyi ərazidə yerləşir. Kəndin adı keçmişdə burada mövcud olmuş Pircamal piri ilə bağlıdır. Tarixi mənbələrə görə bu yaşayış məntəqəsini qədim Beyləqandan köçüb gəlmiş ailələr salmışdırlar. Kənd 1992-ci ildə Ermənistan silahlı qüvvələri tərəfindən işğal edilmişdir. Bu il sentyabrın 19–20-də Azərbaycan Ordusunun Qarabağda keçirdiyi antiterror tədbirləri nəticəsində Pircamal kəndi separatçılardan təmizlənmişdir.