Prezident İlham Əliyevin Cəbrayıl rayonuna səfəri

Azərbaycan Respublikasının Prezidenti İlham Əliyev sentyabrın 28-də Cəbrayıl rayonuna səfər etmişdir. Səfər zamanı dövlətimizin başçısı Cəbrayıl şəhərində inzibati binanın təməlini qoymuşdur.

Baş plana əsasən inzibati bina işgüzar zona kimi müəyyən olunmuş bir hektar ərazidə tikiləcəkdir. Layihəyə əsasən ərazidə dörd bina inşa ediləcəkdir. Hər bina müasir üslubda layihələndirilmişdir. İlkin mərhələdə 4–5 mərtəbədən ibarət ikikorpuslu bina kompleksinin tikintisi planlaşdırılır və binalar körpü vasitəsilə əlaqələndiriləcəkdir. Digər 3–4 mərtəbəli binaların tikintisi isə ikinci mərhələ üçün nəzərdə tutulur. Binaların fasadında müasirlik və milliliyin ahəngi əsas götürülmüşdür. Belə ki, eyvanlarda milli elementimiz olan şəbəkədən istifadə olunacaqdır.