Prefabrik modul evlərin istehsalı müəssisəsi ilə tanışlıq

Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 25-də Laçın rayonunun sənaye zonasında prefabrik modul evlərin istehsalı müəssisəsinin fəaliyyəti ilə tanış olmuşdurlar.

Prefabrik modul evlərin istehsalı müəssisəsi ilə tanışlıq zamanı məlumat verilmişdir ki, burada ildə 200 ev hazırlanacaqdır. Prefabrik evlərə qonaq, mətbəx, yataq otaqları və sanitar qovşaq daxildir. Bu evlərin daş evlərdən üstünlüyü ondan ibarətdir ki, onlar zəlzələyədavamlı və yüksək dayanıqlılıqla yanaşı, ekoloji cəhətdən təmizdir. Həmçinin uzunömürlü və yanğınadavamlı olan bu evlərin digər bir üstünlüyü isə qiymətinin daha sərfəli olmasıdır. Bu müəssisədə də 100 nəfər daimi işlə təmin olunmuşdur.