Laçın şəhərində Heydər Əliyev, Zəfər və 28 May küçələrinin kəsişməsindəki lövhələrin açılışı

Azərbaycan Respublikasının Prezidenti İlham Əliyev mayın 28-də Laçın şəhərində Heydər Əliyev, Zəfər və 28 May küçələrinin kəsişməsində istiqamət bildirən lövhələrin açılışını etmişdir. Açılış zamanı dövlətimizin başçısı küçələrin adlarının yazıldığı lövhələrin üzərindən örtükləri götürmüşdür.

Laçın şəhərində Azərbaycan xalqının ümummilli lideri Heydər Əliyevin adını daşıyan küçənin uzunluğu 6967 metr, eni isə 10–12 metr təşkil edir. Vətən müharibəsində şanlı Qələbənin şərəfinə adlandırılan Zəfər küçəsinin uzunluğu 5239, eni isə 12 metrdir. 28 May küçəsinin uzunluğu 1703, eni isə 10 metr nəzərdə tutulmuşdur.