Kəlbəcər şəhərində inzibati binanın təməlqoyma mərasimi

Azərbaycan Respublikasının Prezidenti İlham Əliyev sentyabrın 2-də Kəlbəcər şəhərində inzibati binanın təməlini qoymuşdur.

İnzibati binanın inşası üçün 2,4 hektardan çox ərazi nəzərdə tutulmuşdur. Bu ərazi Kəlbəcərin ictimai mərkəzi ilə şəhər parkının arasında yerləşir. İnzibati binanın yerləşdiyi ərazinin şimal hissəsi pilləli landşaft elementləri və şəhər parkının relyefi ilə birləşir. Ümumilikdə Baş plan üzrə şəhərin inzibati mərkəzində 2 inzibati binanın inşası nəzərdə tutulmuşdur. Hər iki bina müasir üslubda layihələndirilmişdir. Tikinti işlərinə 2025-ci ildə başlanılması planlaşdırılır.