Kəlbəcərdə Zar kəndinin təməlinin qoyulması

Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 25-də Kəlbəcər rayonunun Zar kəndinin təməlqoyma mərasimdə iştirak etmişdirlər. Mərasim zamanı dövlətimizin başçısı Zar kəndinin təməlini qoymuşdur.

Zar kəndində ümumilikdə 855 ailənin məskunlaşması planlaşdırılmışdır. Yaşayış məntəqəsinin salınması üçün 20 illik perspektiv və həmin müddətdən sonrakı inkişaf nəzərə alınmaqla 243 hektardan çox torpaq sahəsinin ayrılması nəzərdə tutulmuşdur. Birinci mərhələdə kəndə 547 ailənin köçürülməsi üçün birmərtəbəli fərdi evlərin inşası planlaşdırılır. Tikiləcək 547 evin 131-i ikiotaqlı, 289-u üçotaqlı, 92-si dördotaqlı, 35-i beşotaqlı olacaqdır. Burada həmçinin 528 şagird yerlik məktəb, 100 yerlik uşaq bağçası tikiləcəkdir.