Həsənriz kəndində Novruz tonqalı və bir qrup sakinlə görüş

Azərbaycan Respublikasının Prezidenti İlham Əliyev və birinci xanım Mehriban Əliyeva martın 18-də Ağdərə rayonunun Həsənriz kəndində buraya köçən bir qrup sakinlə görüşmüş, fərdi evlərin və infrastrukturun bərpası sahəsində görülən işlərlə tanış olmuşdurlar.

Sakinlərlə görüşüb söhbət etdikdən sonra dövlətimizin başçısı və birinci xanım kənd sakinləri ilə birlikdə Novruz tonqalını alovlandırmışdırlar.

Dövlətimizin başçısı və birinci xanım Həsənriz kəndindəki Bayraq meydanında olmuşdurlar. Burada 17 metr hündürlüyündəki dirəkdə üçrəngli bayrağımız dalğalanır. Bayraq meydanının yerləşdiyi mövqedən Həsənriz kəndinə və ətraf kəndlərə gözəl mənzərə açılır.