Füzuli şəhərində inzibati binanın təməlinin qoyulması

Azərbaycan Respublikasının Prezidenti İlham Əliyev oktyabrın 16-da Füzuli şəhərində inzibati binanın təməlini qoymuşdur.

İnzibati binanın inşa olunacağı şəhərin mərkəzi ərazisində 12 hektardan çox sahə ayrılmışdır. İnzibati binanın inşası üçün isə 4,4 hektardan çox ərazi nəzərdə tutulmuşdur. Burada parad meydanı, bir hektar sahədə park inşa olunacaqdır. Bundan başqa, digər regional qurumlar üçün də ərazi nəzərdə tutulmuşdur. Beş mərtəbədən ibarət inzibati binada ən müasir şərait yaradılacaqdır.