Cəbrayıl şəhər məscidinin təməlqoyma mərasimi

Azərbaycan Respublikasının Prezidenti İlham Əliyev oktyabrın 28-də Cəbrayıl şəhər məscidinin təməlini qoymuşdur.

Təməli qoyulan məscidin ümumi sahəsi 1530 kvadratmetrdən çox olacaqdır. İkimərtəbəli məscid binasında eyni anda kişilərin və qadınların ibadət etmələri üçün şərait olacaqdır. Burada eyni vaxtda 615 nəfər ibadət edə biləcəkdir.

Məsciddə icma zalı, avtomobil dayanacağı, söhbətgah yaradılacaqdır. Məscidin minarələrinin hündürlüyü 34,2 metr, günbəzin hündürlüyü isə 22,6 metr olacaqdır.