Cəbrayıl şəhərində ilk çoxmənzilli yaşayış məhəlləsinin təməlqoyma mərasimi

Cəbrayıl şəhərində ilk çoxmənzilli yaşayış məhəlləsinin təməlqoyma mərasimi keçirilmişdir. Azərbaycan Respublikasının Prezidenti İlham Əliyev oktyabrın 4-də keçirilən mərasimdə iştirak etmiş və yaşayış məhəlləsinin təməlini qoymuşdur. 10,5 hektar ərazini əhatə edən yaşayış məhəlləsi mərhələli şəkildə tikilərək istifadəyə veriləcəkdir. İlk mərhələdə 5 bina tikiləcək və buraya 200-ə yaxın ailə, yəni 654 sakin köçürüləcəkdir. Məhəllədə 4, 5 və 6 mərtəbəli yaşayış, o cümlədən digər təyinatlı binalar olacaqdır. Bu məhəllədə və ümumilikdə şəhərin mərkəzində tikiləcək binaların fasad və eyvanlarına tarixilikləri qorunmaqla müasir görkəm veriləcəkdir.