Bəylik kəndində yeni inşa edilmiş fərdi evlərdə yaradılan şəraitlə tanışlıq

Azərbaycan Respublikasının Prezidenti İlham Əliyev mayın 27-də Laçın rayonunun Bəylik kəndində yeni inşa edilmiş fərdi evlərdə yaradılan şəraitlə tanış olmuşdur.

Tamamilə yenidən tikilən kəndə ümumilikdə 90 ailə – 360 nəfərin köçürülməsi nəzərdə tutulur. Ərazisi 29,6 hektar olan kənddə 91 fərdi ev inşa olunmuşdur. Evlərdən 13-ü iki, 50-si üç, 15-i dörd, 13-ü isə beşotaqlıdır. Bəylik kəndində əhalinin məşğulluğunun təmin edilməsi üçün hər cür şərait yaradılmış, iqtisadi, sosial və məişət təyinatlı müxtəlif müəssisələr tikilmiş, kənddaxili yollar, elektrik, rabitə, su xətləri çəkilmiş, qaz təchizatı təmin olunmuşdur.