“Ağıllı kənd”də Dövlət Xidmətləri Mərkəzi ilə tanışlıq

Azərbaycan Respublikasının Prezidenti İlham Əliyev və birinci xanım Mehriban Əliyeva mayın 27-də “Ağıllı kənd” meydanında yaradılmış Dövlət Xidmətləri Mərkəzi ilə tanış olmuşdurlar.

Burada “Azərpoçt” MMC-nin rayon şöbəsi, “ASAN xidmət” mərkəzi, DOST mərkəzi, Kiçik və Orta Biznesin İnkişafı Mərkəzi fəaliyyət göstərəcəkdir. Burada məqsəd kənd sakinlərinin dövlət xidmətlərinə rahat çıxışını təmin etməkdir. Bu mərkəzlərdə kənd sakinlərinə sosial təminat və məşğulluq sahəsi üzrə 100-dən çox xidmət onlayn formada göstəriləcəkdir. Vətəndaş birbaşa video bağlantı ilə “DOST” mərkəzlərinin sosial agentinə müraciət edəcək və müraciəti yerindəcə həll olunacaqdır.