Ağalı kəndini ziyarət

Azərbaycan Respublikasının Prezidenti İlham Əliyev və Rusiya Federasiyasının Tatarıstan Respublikasının Rəisi Rüstəm Minnixanov iyunun 17-də Zəngilan rayonunun Ağalı kəndində olmuşdurlar. Elektromobillərlə Ağalı kəndini gəzən Prezident İlham Əliyev və Rüstəm Minnixanov kənd sakinləri ilə görüşmüş və söhbət etmişdirlər.

Bu günədək Böyük Qayıdış çərçivəsində Zəngilanın Ağalı kəndinə ümumilikdə 86 ailə – 420 nəfər köçürülmüşdür. Ağalıda məskunlaşan sakinlər yüksəkkeyfiyyətli, “ağıllı” texnologiyalarla təchiz edilmiş evlərlə təmin olunmuşdurlar. Müvafiq qurumlar tərəfindən sakinlər peşə ixtisaslarına və bacarıqlarına uyğun şəkildə işlə təmin edilmişdirlər. Onlar müxtəlif dövlət qurumlarında, ictimai iaşə obyektlərində, tikinti şirkətlərində, tikiş fabrikində çalışırlar. Köçürülmüş əhali üçün bütün infrastruktur yaradılmışdır.