Sarıcalı kənd körpələr evi-uşaq bağçasının açılış mərasimi

Azərbaycan Respublikasının Prezidenti İlham Əliyev və birinci xanım Mehriban Əliyeva martın 27-də Ağdam rayonunun Sarıcalı kənd körpələr evi-uşaq bağçasının açılışında iştirak etmişdirlər.

Müasir standartlara uyğun inşa edilmiş 100 yerlik körpələr evi-uşaq bağçasında azyaşlıların təlim-tərbiyəsi və onların sağlam mühitdə yetişmələri üçün hər cür şərait vardır. Otaqların hamısı zəruri avadanlıqla təchiz olunmuşdur. Körpələr evi-uşaq bağçasında 5 qrup fəaliyyət göstərəcəkdir. Bağçanın ərazisində uşaqların əylənməsi üçün meydança yaradılmış, müxtəlif attraksion və idman qurğuları quraşdırılmış, geniş abadlıq işləri görülmüşdür.