Konqres Mərkəzinin tikintisi ilə tanışlıq

Azərbaycan Respublikasının Prezidenti İlham Əliyev sentyabrın 19-da Xankəndi şəhərinin Zəfər meydanında Konqres Mərkəzinin tikintisi ilə tanış olmuşdur.

Mərkəzin binası dörd mərtəbədən və bir zirzəmi qatından ibarət olacaqdır. Buradakı hoteldə, ümumilikdə, 102 otaq inşa ediləcəkdir. Otaqlardan 91-i standart, 4-ü suit, 4-ü isə “executive” qonaq otaqlarıdır. Digər 3 otaq isə sağlamlığı məhdud insanlar üçün nəzərdə tutulmuşdur. Bundan başqa, mərkəzdə restoranlar, ölkə və beynəlxalq əhəmiyyətli tədbirlərin keçirilməsi üçün ən müasir tələblərə uyğun şərait yaradılacaqdır.