Qarabağ Bəyannaməsinin imzalanması

İyulun 6-da Şuşada “Türk Dövlətləri Təşkilatının qeyri-rəsmi Zirvə görüşünün Qarabağ Bəyannaməsi” imzalanmışdır. Azərbaycan Prezidenti İlham Əliyevin təşəbbüsü ilə keçirilən görüşdə Qazaxıstan, Qırğızıstan, Özbəkistan, Türkiyə, Macarıstan və digər türk dövlətləri liderləri iştirak etmişdir.

“Nəqliyyat, bağlantı və iqlim fəaliyyəti vasitəsilə dayanıqlı gələcəyin qurulması” mövzusunda baş tutmuş görüşdə imzalanmış Qarabağ Bəyannaməsi Türk xalqlarının ortaq etnik, tarixi, mədəni və dəyərlərinə əsaslanaraq regional və qlobal əməkdaşlığın inkişafını dəstəkləyir.

Bəyannamədə nəqliyyat infrastrukturunun, enerji sistemlərinin, rəqəmsal texnologiyaların və iqlim dəyişikliyi ilə mübarizənin gücləndirilməsi kimi sahələrdə ortaq strategiyaların və addımların atılması üçün əməkdaşlıq çağırışı yer almışdır. Bu bəyannamə Türk dövlətləri arasında siyasi və iqtisadi əlaqələrin möhkəmləndirilməsi baxımından yeni mərhələ kimi qiymətləndirilir.

Qarabağ Bəyannaməsi Azərbaycan, qazax, qırğız, türk və özbək dillərində tərtib olunmuşdur. Sənəd Azərbaycan Prezidenti İlham Əliyev, Qazaxıstan Prezidenti Kasım-Jomart Tokayev, Qırğız Respublikasının Prezidenti Sadır Japarov, Özbəkistan Prezidenti Şavkat Mirziyoyev və Türkiyənin vitse-prezidenti Cevdet Yılmaz tərəfindən imzalanmışdır.