Prezident İlham Əliyevin Şuşada Şimali Kipr Türk Cümhuriyyətinin Prezidentini qəbul etməsi

Azərbaycan Respublikasının Prezidenti İlham Əliyev iyulun 5-də Şuşada Şimali Kipr Türk Cümhuriyyətinin Prezidenti Ersin Tatarı qəbul etmişdir.

Söhbət zamanı nəqliyyat, əlaqələr və iqlim fəaliyyəti vasitəsilə dayanıqlı gələcəyin qurulması mövzusunda keçiriləcək qeyri-rəsmi Zirvə toplantısının Türk Dövlətləri Təşkilatının gündəliyində duran məsələlərin dövlət və hökumət başçıları səviyyəsində müzakirəsi və reallaşdırılması baxımından əhəmiyyəti qeyd olunmuşdur. Bu tədbirin müntəzəm xarakter alacağına ümidvarlıq bildirilmiş, onun Türk dünyasının inkişafına, birliyinə xidmət edəcəyi vurğulanmışdır.