Kurmanqazı adına Yaradıcılığın İnkişafı Mərkəzinin layihəsi ilə tanışlıq

Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev avqustun 24-də Qazaxıstanın “Bİ-Group” Holdinqi tərəfindən Füzuli şəhərində uşaqlar üçün inşa ediləcək Kurmanqazı adına Yaradıcılığın İnkişafı Mərkəzinin layihəsi ilə tanış olmuşdurlar.

Dövlət başçılarına layihə barədə məlumat verən “Bİ-Group” Holdinqin Direktorlar Şurasının sədri Aydın Raximbayev bildirmişdir ki, layihə dörd böyük istiqamətdən ibarətdir: musiqi, müasir texnologiyalar, sənət və yaradıcılıq, o cümlədən idman – oyun zalları. 2 hektar ərazini əhatə edən layihədə müasir memarlığa uyğun binalar, amfiteatr inşa ediləcək, uşaqların yaradıcılığını üzə çıxarmaq və inkişaf etdirmək üçün hər cür şərait olacaqdır.