“Xankəndi” hotelinin açılış mərasimi

Azərbaycan Respublikasının Prezidenti İlham Əliyev iyulun 11-də “Xankəndi” hotelinin açılışında iştirak etmişdir.

Dördmərtəbəli hotel binasında qonaqların rahat qalması üçün hərtərəfli şərait yaradılmışdır. Hoteldə ümumilikdə 101 otaq vardır. Otaqlardan 92-si “deluxe”, 4-ü “superior”, 3-ü “deluxe suite”, 2-si isə “executive suite” kateqoriyasına aiddir. Hoteldə eyni vaxtda 236 qonaq qala bilər. Burada kafe, restoranlar və idman zalı fəaliyyət göstərəcəkdir.

Hoteldə 20-si işğaldan azad edilmiş şəhər və rayonların sakinləri olmaqla 45 nəfər işlə təmin ediləcəkdir.